Image result for facebook icon

  • Panorama2
  • Panorama1
  • Panorama3

 

Wyle Paul (oom Paultjie) de Villiers het tydens sy afsterwe in Stellenbosch gewoon en is daar begrawe. In sy testament bemaak hy in 1951 £ 5000 vir ’n Anglo-Boereoorlog Monument wat 50 jaar later opgerig moes word en indien dit nie gebeur nie moes die bemaking na die US gaan vir kankernavorsing. Sanlam Trust, wat die bemaking bestuur, rig op 2/12/1999 ’n brief aan die FAK en doen navraag oor die bestaan al dan nie van ’n Anglo-Boereoorlog monument, daar is egter geen voorskrifte indien daar nog nie so ’n monument bestaan nie, oor waar dit opgerig moet word nie.
In ’n gesprek op 17 April 2000 met Sanlam Trust insake die plek en befondsing van die ABO-monument, word aangedui dat die bemaking eers op 14/11/2001 sal toeval en oprigting van die monument kan dan eers ’n aanvang neem.
Sanlam Trust se brief van 25/05/2000 dui aan dat die monument moet in die Wes-Kaap  opgerig word, en nie noodwendig in Stellenbosch nie. Die bedrag beskikbaar vir die monument beloop R 440 000.
Op 24 Augustus 2000 word ’n eerste verkennende gesprek, deur ’n paar plaaslike kultuur belangstellendes, Carel Stander, Ritzema de la Bat, wyle Hannes Meiring, en Andries Domburg, argitekte, te Paarl gehou. Daar word besluit op ’n dinkskrum te hou om oor die aard en plek vir die monument te besin.
Die huidige ABO-Trust word gestig met ’n mandaat om die monument op te rig.
’n Stukkie servituutgrond is op Laborie met die ondersteunende samewerking van die voormalige KWV direksie verkry en na heelwat terugslae, wat nie sonder stryd te bowe gekom is nie, word die ABO-Monument op 17/09/2005 ingehuldig.
Die monument fokus op die stryd van die Kaapse Afrikaners en ander Kolonialers wat simpatie met die twee boere Republieke in die Noorde gehad het.

Paul de Villiers was ’n kleinseun van ds. G.W.A. van der Lingen van die NG Strooidakkerk in die Paarl. Sy moeder, Théophile (Van der Lingen) de Villiers, was een van die organiseerders van die vroue-massa-vergaderings en bevriend met Maria Koopmans-De Wet. Sy vader was Abraham Barend de Villiers, ’n Paarlse boer en Boere-ondersteuner. Hy was die laaste tesourier-generaal van die ZAR (Transvaalse Republiek). Hy was nie getroud nie.
Wyle Paul het later die plaas Coetsenburg namens sy swaer Jannie Marais geboer. Met sy oorlye is hy op Stellenbosch begrawe

Met die Paul de Villiers Gedenklesings eer ons oom Paul.